كلمات اغاني الملك محمد منير

علمونى عنيكى
علمونى عنيكى أسافر
علمونى أفضل مهاجر
علمونى أكون مسامح
زى نبع الحب صافى
علموني اعشق صحابي
وانسى وياهم عذابي
والغريب لو دق بابي
يرتوي من نبع صافي
علموني ولفوا بيا
دنيا غيرالدنيا دية
طعم تاني وحاجة تانية
ده انت نبع الحب صافي
**********
دنيا رايحة
دنيا رايحة و دنيا جاية
مرة رايحة و مرة جاية
تخلى بيكم ولا بيا
دور عليك و دور عليا
ياما ياما كتير حكينا
ع اللى بكرة هيجرى لينا
من عشمنا كتير حلمنا
واللى مقسوم برضه لينا
قسمة حلوة ولا قسوة
ولا ايام مش هنية
طمنينا ما تتعبينا
ده اللى دقناه مش شوية
دنيا رايحة .. ودنيا جاية
اه يا خطوة اه يا شردة
بكرة مش زى النهاردة
بكرة يجى يبل ريقى
وخطوتى هتكون حبيبى
حتحلى بينا و تجري بينا
تبتسم والله في عنيا
حتبقى حلوة بقسمة حلوة
باقية على العشرة و عليا
**********
يا صبية
يا صبية ياحنينة اتمايلى على كيفى انا
وميلى ميلى يا صبية
ده انتى فى ليلى سفرية
عطشان و مين غيرك سبيل
ده انتى الفرح و انتى الدليل
خللى الكلام يحلى بنا
فى ليلة صافية يضمنا
على قد ما بنعشق نطول
على قد ما بنحلم ننول
وكل خطوة تضمنا
الدنيا تصبح ملكنـا
يا نسمة انا بتنسمك
يا صورة حلوة برسمك
يا بحر بياخدنى معاه
انا اوله انا منتهاه
يا صبية ياحنينه اتمايلى على كيفى انا
***********
أمانة يا بحــــــــر
أمانة يا بحــــــــر تستلم الأمانة
أحبابنا يا بحــــــــــر فى عيونك أمانة
أمانة ياموج بوس خشب المراكب
أمانة ياموج طبطب على اللى راكب
أمانة يا هوا تكتب على الشراع اللقا أكيد من بعد الوداع
امانة يا سما حاسبى على الاحباب
احميهم يا سما دول فى البحور اغراب
أمانة يا هوا تكتب على الشراع اللقا أكيد من بعد الوداع
أمانة ياطير وصلهم بالسلامة
أمانة يابحر رجعهم بالسلامة
أمانة ياهوا تكتب على الشراع اللقا أكيد من بعد الوداع
***********
قول للغريب
قول للغريب حضنك هنا
دربك قريب من دربنا
بيتك هنا اهلك هنا
حزن البشر ده حزننا
عيون حبيبتي الطيبين
بيعلموني اكون حنين
ده مفيش ما بينا لا و ليه
ولا كدب نتأسف عليه
عالم صغير بيضمنا
يرسم ويمحى اسمنا
نتلاقى فيه من غير ميعاد
ونصير بعاد من غير بــــــــــــلاد
قول للغريب فرجه قريب
قول للغريب فجره قريب
عالم صغير على قدنا
***********
فى عنيكى غربة
فى عنيكى غربة و غرابة
و انا فيكى مغرم صبابة
أحلم على شالك انام
كأني فرد من الحمام
برموش عينيك تغطيني
رمشك شطوط طب رسيني
انتي انا و بكرة ليا و ليكي
شعرك خيوط قمر المسا
طب ليه فى ليلك بتنسى
اتكلمى ولا نادينى
صمتك كلام بيدفينى
انتي انا و بكرة ليا و ليكي
أمتى أتقابلنا وليه وفين
لحظة قدر ولا حنين
ولا ألتقينا من زمان
مولودة جوايا من زمان
انتي انا و بكرة ليا و ليكي
************
يا عذاب النفس
يا عذاب النفس واخدنى لفين
قضيت وياك الليلة بسنين
ياعذاب نفسى
مرايتى وهمسى
يومى وغدى
آلامى أمسى
واخدنى لفين
ياعذاب نفسى
يا طريق ماشي وماشى وياه
مين فينا واخد التانى معاه
ياطريق عمرى
أنا من صغرى
شمسى نفسى
آلامى أمسى
واخدنى لفين
ياعذاب نفسى
يا عذاب النفس واخدنى لفين
قضيت واياك الليلة بسنين
ياعذاب نفسى
مرايتى وهمسى
يومى وغدى
آلامى أمسى
واخدنى لفين
ياعذاب نفســــــــــــى
************
يا اماه

مسكينة حبيبتى السمرا
دى اميرة وطاهرة وصابرة
دوامة الدنيا خدتنى ورجعت اقول يا اماه
يا اماه يا اماه يا اماه
انا راجع زى زمان يا اماه
طفل فى عينى الاحزان
غلطان انا فى العنوان
روحت بعيون عطشانين
ألتقى بنبع الحنين
ياما دقيت ع البيبان
بس مين يسأل فى مين
سامحينى حبيبتى يا سمرا
واغسلينى بطهرك ياماه
دى الحقيقة عيونك انتى انتى يا امى وحبيبتى
مين يا ناس خدنى انا
و مين يا ناس جبنى هنا
حلم كان فى دنيا تانية
دنيا مولودة هنا
سامحينى حبيبتى يا سمر ا واغسلينى بطهرك ياماه
دى الحقيقة عيونك انتى انتى يا امى وحبيبتى
***********
الرزق على الله

رزقنا
الرزق على الله
دربنا
خليها على الله
بعشق الدروب و الدروب قلوب
و يهون الله
صابرة زي أنا
يفرجها الله
صورة منى أنا
و بنحمد الله
فيها جرحنا فيها فرحنا
و الدايم الله
نفسنا
الرزق على الله
حلمنا
خليها على الله
تصدق الوعود و الغريب يعود
و يهون الله
ده احنا عمرنا
يفرجها الله
صافي قلبنا
و بنحمد الله
ده احنا للحياة و هي دي الحياة
و الدايم الله

---------------------------------------------------------------------------------
كلمات اغاني الملك محمد منير 02hi8

بنتـــــــــــــــــــــــــــــــــــــــولد
[color=navy]بنتولد طاهرين
بنتولد شبعانين
بنتولد متلهفين
على صدر أم وكتف أب مرتاحين
بنتولد باكين
بنتولد مش عارفين
بنتولد مش خايفين
واسمنا فى درب الحياة بنى ادمين
بنتولد دفيانين
بنتولد صافيين
بنتولد صادقين
كما زرعة خضرا فى ارض طين
زرعة حصادها حصاد عمر السنين
الحلو و المر و الطيب و الحزين
بنتولد مش داريين
بالرايحين والجايين
نكبروتكبر بينا أعمار السنين
ونكره السنين وتكرهنا السنين
ونجرح البشر ونجرح نفسنا مع إننا
بـــنـــــتــــــــــولد
********
سيلي
سيلي يا نسمة وميلي
ع الحبيبة وسلميلي وارجعيلي
سيلى يا نسمة فى ليله
ع الحبيبة وسلميله وارجعيله
سيلي يا نسمة و قولي
يا أم قلب دهب و لولي
عمري ليكي روحي فيكي
ليكي شوقي وليكي ميلي
يا ابتسامة سمرة نيلي تسلميلي
سيلى يا نسمة فى ليله
ع الحبيبة وسلميله وارجعيله
يا حبيبتي الحب داري
وانتي نوري وانتي ناري
ده انتي انتي لما بنتي
بالهوا نورتي ليلي
يا ابتسامة سمرة نيلي تسلميلي
سيلى يا نسمة فى ليله
ع الحبيبة وسلميله وارجعيله
انتى قمرة فى ليل مدينتى
وانتى فى التوهة سفينتى
فى الليالى شايفة حالى
وانتى قنديلى ودليلى
يا ابتسامة سمرا نيلى تسلميلى
سيـــــــــلى يــــــــــا
********
سؤال
سؤال بسألك إيه أخرة الترحال ؟
وسهر الليالي وكل يوم بحال
سؤال بسألك ايه أخرة الأحزان ؟
دمعتي موالي و الحنيـن قتال
سؤال بسألك إيه أخرة الأحـلام ؟
ليلاتى واخدانى فى بحر من الأوهام
سؤال بسألك إيه أخرة العذاب ؟
تاعبني سؤالي ياريت ألاقي جواب
********
سهيرة ليالى
سهيرة ليالى ، طايرين للعلالى
نجم الليل ،بالليل يناديلنا ، ويغنيلنا
في ليالي المدينة للأحباب نادينا
هلوا واتلاقينا بالفرحة فى عينينا
ونجم الليل ، صحى فى مواويلنا ، شوقنا وميلنا
سهيرة ليالى ، طايرين للعلالى
نجم الليل ، بالليل يناديلنا ، ويغنيلنا
نجماية هوانا سهرانة معانا
وقلوبنا الصبية بالحب ملالية
وهوا الليل ،على شاله يشلنا ، وينزلنا
سهيرة ليالى ، طايرين للعلالى
نجم الليل ، بالليل يناديلنا ، ويغنيلنا
يا قمر الليالى ضوى لنا و لالى
الدنيا دى بتنا و الاحلام شالتنا
و احنا الليل ، دربنا و سبيلنا ، و انتى دليلنا
********
مدى ايدك
مدى ايدك آدى ايدى ده الطريق زحام
خلى قلبك ويا قلبى هتهون الآلم
انا وانتى يا حبيبتى حلم من الاحلام
دى المدينة عيون حزينة ما بتعرف تنام
احنا عايشين جوة بعض
ميت سؤال مالهمش رد
مدى ايدك يا حبيبتى
ده الحنين مالهوش يد
مدى ايدك آدى ايدى ده الطريق زحام
خلى قلبك ويا قلبى هتهون الآلم
انا وانتى يا حبيبتى حلم من الاحلام
دى المدينة عيون حزينة ما بتعرف تنام
الزحام ملو الشوارع
قلب رايح قلب راجع
عين تدور فى المفارق
على اللى راح منها وضايع
مدى ايدك آدى ايدى ده الطريق زحام
خلى قلبك ويا قلبى هتهون الآلم
انا وانتى يا حبيبتى حلم من الاحلام
دى المدينة عيون حزينة ما بتعرف تنام
********
حلى ضافيرك
حلى ضافيرك للهوى
واتمايلى فى بحور الهوى
وغنى للحب اللى جمعنا سوا
خللى ضافيرك فى الهوى تطير تطير
ورفرفى للنسمة بالشعر الحرير
ولملمينى ولملمى قلبى الاسير
كسير ، جريح ، وانتى الدوا
حلى ضافيرللهوى
حلى ضافيرك للهوى
واتمايلى فى بحور الهوى
وغنى للحب اللى جمعنا سوا
مركب هوانا فى الهوى حلى الشراع
رايحين سوا لبلاد ما تعرفش الخداع
وداع يا ليل الحزن يا سنين الضياع
ضل الاسى داب وانطوى
حلى ضافيرك للهوى
حلى ضافيرك للهوى
واتمايلى فى بحور الهوى
وغنى للحب الى جمعنا سوا
حلى ضافيرك فى الهوى ويا القلوع
وخدينى ودينى لبلاد ما فيهاش دموع
وما دام ناوينا على الطريق ما فيناش رجوع
مهما الهوى زام واتلوى
حلى ضافيرك للهوى
*********
عروسة النيل
يا عروسة النيل يا حتة من السما
يالى صورتك جوة قلبى ملحمة
احنا لو مـرة نادينا
تجري على اصغر مافينا
من ورا الليل والمعابد
والكنايس و المساجد
تحضنينا وتحكي لينا
تصغر الدنيا في عنينا
انتي يا شمعة يا قايدة في قلبنا
ياعروسة النيل ياحتة من السما
احنا ياعروسة شبابك
تكتبي نقرا كتابك
تتعبي بنشيل عذابك
تأمري بنكون جوابك
واحنا صافيين زيك انتي
انتي دايما باقية انتي
طاهرة زي الشمس صافية زينا
ياعروسه النيل
تعيشي يامصرنا
يا عروسة النيل يا حتة من السما
يا عروسة النيل تعيشى يا مصرنا
*********
بفتح زرار قميصي
بفتح زرار قميصي للنسمة و للأماني
و أنور فوانيسي و أملى العالم أغاني
باغنى للمحبة ، وللنجم الملالى
دى الغنوة فى قلبى شابة ، وطايرة فى العلالى
أه يا هوى ياسيسي إنت لساني وحصاني
بافتح زرار قميصي واملا العالم أغاني
بفتح زرار قميصي للنسمة و للأماني
و أنور فوانيسي و أملى العالم أغاني
باغني للسعادة ، وباغني للرضا
والغنوة كل مادا ، تعلا وتملا الفضا
أه يا هوى ياسيسي إنت لساني وحصاني
بافتح زرار قميصي واملا العالم أغاني
بفتح زرار قميصي للنسمة و للأماني
و أنور فوانيسي و أملى العالم أغاني
باغني للحقيقة و باغني للانسان
و غنوتي الرقيقة بتنورلي الزمان
أه يا هوى ياسيسي إنت لساني وحصاني
بافتح زرار قميصي واملا العالم اغانى
*********
غريبة
غريبة غريبة ، غريبة ومش غريبة
انى اكون ويا الحبيبة
دنيا مبتسمة ورحيبة
وفجأة اكون زى القلوع
ساعة الغروب مروحين
بلا شطوط ولا حنين
وانطفى فى الحال من غير سؤال
غريبة غريبة ، غريبة ومش غريبة
انى اكون فى لحظة مخيفة
خبر كان وسط الصحيفة
وفجأة اكون زى السطور المليانين
بحاجات كتيرة منورين
وانطفى فى الحال من غير سؤال
غريبة غريبة ، غريبة ومش غريبة
انى اكون خطوة بريئة
لما ادور على الحقيقة
وفجأة اكون زى الجنون جوة العيون
مالهوش كون مالهوش لون
وانطفى فى الحال من غير سؤال
*********
اكلم القمر
اكلم القمر ..... تنورى
اكلم الشجر ..... تزهرى
و فى لحظة الضياع ..... بترحلى
و فى لحظة السمر ..... بتحضرى
تتصورى ..... تتصورى
اصاحب الدروب ..... تتبسمى
اودع الغروب ..... تتألمى
و فى لحظة الوداع ..... تقربى
و فى لحظة اللقا ..... بتبعدى
تتصورى ..... تتصورى
تضيع منى الحروف .....تكملى
ألف ياما و اشوف ..... تتأملى
ويضيع منى الكلام ..... تتكلمى
نرسم شكل الحياة ..... و ترسمى
تتصورى ..... تتصورى
اكلم القمر ..... تنورى
اكلم الشجر ..... تزهرى
و فى لحظة الضياع ..... بترحلى
و فى لحظة السمر ..... بتحضرى
تتصورى ... تتصورى

-------------------------------------------------------------------------------------

[[/size

شبابيـــــــــــــــــــــــــــــــــــــــك
شبابيك الدنيا كلها شبابيك
والسهر والحكاية والحواديت
كلها دايرة عليك
والكلام كان عليك
واللى كان خايف عليك
انتهى من بين اديك
دى عنيك شبابيك والدنيا كلها شبابيك
سرقت عمرى من احزانى
سرقته لكن ماجانى
ولا حد شاف فين مكانى
ورا الشبــابيـــــك
دى عنيك شبابيك والدنيا كلها شبابيك
غيرت ياما كتير احوالى
وانا كنت عاشق وكان يحلالى
احب بس يكون حلالى
ورا الشبــابيـــك
دى عنيك شبابيك والدنيا كلها شبابيك
انا بعت الدموع والعمر
طرحت جناينى فى الربيع الصبر
وقولت انا عاشق سقونى كتير المر
ورا الشبـــابيـــك
دى عنيك شبابيك والدنيا كلها شبابيك
***********
اليلة ياسمرا
الليلة يا سمرة يا سمارة
لا انا كنت برة ولا مهاجر
انا اللى جايلك من باكر
قلبى ولا البحر الهادر
عينى ولا الجمرة الليلة
خللى الندى من احلامك
يسقى النبات من ايامك
حطى اللى خلفك قدامك
تلقى البلد عامرة الليلة
الليل يصبح ويمسى
وتفكرينى وتنسى
شميت هواكى لقيت نفسى
يا طيبة وصابرة الليلة
********
شجر الليمون
كام عام ومواسم عدوا
وشجر الليمون دبلان على ارضه
وفينك
بينى وبينك احزان ويعدوا
بينى وبينك ايام وينقضوا
شجر الليمون دبلان على ارضه
فينك انا من غيرك
انا مش عاقل ولا مجنون
انا مطحون والدنيا دى رحاية
وقلبى حب الحب وحباه بعيونه
شجر الليمون دبلان على ارضه
وكل شىء بيتسرق منى
العمر من الايام
والضى من الننى
وكل شىء حوليا يندهلى
جوايا بندهلك يا ترى بتسمعنى
وفينك
بينى وبينك احزان ويعدوا
بينى وبينك ايام وينقضوا
شجر الليمون دبلان على ارضه
*********
قد البحر " كريشيندو "
قد البـــحر والســـــموات والارض
قد الحب والفرشـــــــــــات والورد
قد ما خد من ازهــــــــــــــار الخد
قد مامد الاحبــــــــــــــاب اليــــــد
قد وقد الدقــــــــات والنبــــــــــض
قد وقد الاصـــــــــــــــــوات والرد
قد الشمــــــــس والانهــار والمــــد
قد الامــــس قد شمـــــوس الغـــــد
قد الخـــــــــير اللى ما بينـا ســــوا
والعصـــــــافير اللى تحب الهـــوى
حبيتـــــــك قد ده كلـــــه ســــــــوا
حبيتـــــــك وانتـــى عشانــــى هوا
حبيتـــــــــك وانتــــى عشانــى هوا

********
اشكى لمين
اشكى لمين واحكى لمين دنيا بتلعب بينا
توهنا سنين ولا عارفين بكرة جايب اية لينا
بينا للفرحة لينا قبل الجراح ما تدق بابنا
بينا دى الدنيا لينا بكرة الزمان يسرق شبابنا
لية هنضيع عمرنا ليه ، ايه راح ناخد منها ايه
هما يومين مش دايمين مكتوبين علينا
نقضى ساعات فرحانين وسعات بتبكينا
لينا الفرحة لينا بالحب ننسى كل اللى فاتنا
ويا الرحلة الطويلة ننسى اللى فات كله فى حياتنا
دنيا بتلعب بينا ليه ، ايه راح ناخد منها ايه
ضحكتنا شمعتنا بينوروا ليالينا
خطوتنا رحلتنا بتقرب امانينا
لينا احلى امانينا لية الزمان يكسر قلوبنا
جينا ومدين ادينا واللى يصبنا اهو من نصيبنا
دنيا بتلعب بينا ليه ، ايه راح ناخد منها ايه
دنيا تدور مهما تدور ماهى بتدور سواقينا
فى عطشنا فى ألمنا ما بتنساش تدوينا
لينا احلى امانينا لية الزمان يكسر قلوبنا
جينا ومدين ادينا واللى يصبنا اهو من نصيبنا
دنيا بتلعب بينا ليه ،ايه راح ناخد منها ايه
********
يازمانى
يازمانى اضحكلى واياك تنسانى
يازمانى فى الغربة ونسيت عنوانى
يازمانى على فين احزانى
يازمانى على فين وخدانى
وزمانى ندانى وفرشلى امانى
نسانى مكانى ونسيت خلانى
دة الحلم الوردى
مش طايلاه يدى
وصبحت انا وحدى
يا زمانى
وزمانى ليالى فى بحور وخدانى
وفى موجها العالى وحدى سيبانى
يا زمانى وخدنى
على فين اوعدنى
امتى تريحنى
********
ع المدينة
لفوا بينا قالو لينا قالوا بينا ع المدينة
لما جينا التقينا كل شىء فيها ناسينا
القلق جوة العيون وشها له ألف لون
حزنها غير حزننا منها واحنا لوحدنا
فى المدينة هنـــــــــاك
لفوا بينا وجينا هنا ، لفوا بينا وتهنا هنا
يا مدينة فيكى ماشى قلبى قمراية بشواشى
مهما تعصرى فى قلبنا مش هيكدب صدقنا
فى المدينة هنـــــــــاك
لفوا بينا وجينا هنا ، لفوا بينا وتهنا هنا
الفصول فى كل عام فيكى تتغير اوام
روح يا قمر الليل ونام ده السكوت زى الكلام
فى المدينة هنـــــــــاك
لفوا بينا وجينا هنا لفوا بينا وتهنا هناك
********
الكون كله بيدور
الكون كله بيدور
واحنا وياه بندور
واليوم بحر نعدية
للى احنا بنحلم بيه
حبيبى مد اديك
ده العالم ملك ادينا
الكدب غيطان احزان
والصدق اللى مدفينا
احلى بكرة لينا
تحلى الذكرى بينا
طول ما احنا ياناس عايشين
ما بنجرحش العاشقين
العمر ايام وسنين
بيعدى زى حكاية
يقولها بكرة عاشقين
لياليهم مش نساية
احلى بكرة لينا
تحلى الذكرى بينا
طول ما احنا ياناس عايشين
ما بنجرحش العاشقين
على جسر الليل ماشين
وقمر ليالينا مراية
ما بنعرف امتى وفين
هتكون للرحلة نهاية
احلى بكرة لينا
تحلى الذكرى بينا
طول ما احنا ياناس عايشين
مابنجرحش العاشقين

------------------------------------------------------------------------------------

كلمات اغاني الملك محمد منير 04be3

إتكلــــــــــــــــــــــــــــــــــــــمى
ليه تسكتى زمن ؟ اتكلمى
ليه تدفعى وحدك التمن ؟ اتكلمى
وتنامى ليه تحت الليالى ؟ اتكلمى
المشربيات عيونك بتحكى ع اللى خانوكى
واللى سنين هملوكى
جوة البيبان سلسلوكى
وليه تسكتى زمن ؟ اتكلمى
ليه تدفعى وحدك التمن ؟ اتكلمى
المشربيات عيونك بتحكى على خلق ولت
سهرت..وصلت..وعلت
فى الصخر شقت ماكلت
انا ابن كل اللى صانك
رمسيس واحمس ومينا
كل اللى زرعوا فى وادينا
حكمة تضلل علينا
********
اسامينـــــــــــا
تعالى نلضم اسامينا الفلة جنب الياسمينا
قنا ، سوهاج ، الاسماعيلية ، بنت الصعايدة بحرية
الاقصر غزالة محنية فى اسكندرية ترسينــــــــــــا
وانا رشيدى ودمياطى واخدك يا منصورة فى باطى
واغنى وارقص سنباطى قبل القمر ما ينسينــــــــــا
وعدى على الجيزة خفاجا وردة من ضلوعى الخفاجة
عيونى طلت يارفاقة من وادى حلفا على المينـــــــــا
بلبيس هتلبس دبلتهــــــا ، شربين شربنا فى قولتهــــا
بعد المحلة ما حلتها بنها العسل راح تشفينــــــــــــــا
الشاى يا واسطى فى السكة ، نقعد يا منيا على الدكة
نوصل بنى سويف وفى الضحكة نلاقى اسيوط وسطينـا
وطنطــــــا شى الله ياسيــد ، وطهطــــــا نفلح ونشيــد
نزور مغاغا ونعيد فى بورسعيد على التراسينــــــــــــا
من السويــــس قولت يالالى دى القنطـــــرة فجر تملى
والوز الاخضر بيصلى على القنايا من سينــــــــــــــــــا
عصــــرت قلبــــــى الجوانى على التـــــراب الاســوانى
رجع يانوبة عنوانى كوم امبو رايقة وامينــــــــــــــــــــــا
********
بنسهر الاوتار
بنسهر الاوتار يطلع علينا نهار
واحنا مع المشوار عدينا بحور وجبال
يافرح يا هجار امتى تجينا الدار
ونسهر الاوتار ، نسهر الاوتار
ياليل يا ابو المجاريح
ماشى فى قلب الريح
بزرع انا التفاريح
اسمر انا واخضر انا
شارب مياة نيلى ماقولت اه ويلى
بنسهر الاوتار يطلع علينا نهار
واحنا مع المشوار عدينا بحور وجبال
راكب حصان من ضى
والحلم راح مش جاى
لكن يافرحى جاى
يوم المنى اصفى انا
واحضن سنين عمرى
يطوى الحنين صبرى
بنسهر الاوتار يطلع علينا نهار
واحنا مع المشوار عدينا بحور وجبال
باكية عيون موالى
ماقولت آه كان مالى
استاهل اللى جرالى
واسهر انا وادبل انا
تدبل ورود ع الخد
ولا حد سامح حد
يافرح يا هجار
امتى تجينا الدار
ونسهر الاوتار ، نسهر الاوتار
********
قمر رحيلى
دقيت على بابك ردى
ردى ياحلوة مشاويرى
لا عايزة تخدى ولا تدى
ده انتى فى عيونك مزاميرى
ده انتى سبيلى و قمر رحيلى
هللى وطلى وردى ع الغريب
قد ما أخطى قد ما أعدى شايلك يا هوايا
صورتك سيرتى وصمتك حيرتى ونداكى ندايا
يامرسى الموانى من غيرك ندانى
هللى وطلى وردى ع الغريب
بكل لغات العالم ايوة تتكلم عنيكى
كل طيور الحب الحلوة بترفرف عليكى
ياطيرى المهاجر فى عنيكى بسافر
هللى وطلى وردى ع الغريب
********
يا ليلة عودي تاني
يا ليلة عودي تاني يا ليلة كوني تاني
خدينا طهر و روح و ردي فينا الروح
خدينا ضمينا دفينا يا ليلة عودي تاني
لا أنا بخبي مكاني ولا كمان عنواني
قطر المحبة نساني عدى وليه عداني
خدينا ضمينا دفينا يا ليلة عودى تانى
لما تهل المغارب قلبي بيصبح قارب
تليلى يا ليلة يصبح في عينيك هارب
خدينا ضمينا دفينا يا ليلة عودى تانى
********
هيلا هيلا
انا كنت فين لما شيبتى
انا هونت لما انتى هونتى
من تانى اديكى اتولدتى
اللى بناكى ما ماتشى
امشى يا ازميله امشى
وانقش جبين الاصيله
ايدين بتحضن ايدين
تحيى اللى مات من سنين
والصبر مش ابن ليلة
جوة ديوان المظالم
بيحكى محكوم لحاكم
عن الليالى الكحيلة
لنزل سلالمك برجلى
واطاطى لاجل اعلى
مش لاجل حيلتى القليلة
ولابد يا مصر تنزلى وتشربى من بير يوسف
نفسك و امسك وغدك ومدك ويدك
بيينا يا مصر نحيى الماضى بروح العصر
وبينا يا مصر نحيى الماضى بروح العصر
********
ام الضفاير
طريقى داير دواير
ياحلوة يا ام الضفاير
حاير وعاشق وصابر
صابر وعاشق وحاير
ياحلوة يا ام الضفاير
على صدرى حبك مخضر
فى عيونى صبحك مبدر
وفوق جبينى المقدر
القد ملفوف وفاير
ياحلوة يا ام الضفاير
ياقلبى صبحى ومسايا
مابين رحاية ورحاية
ويحوشوا عنك ندايا
امد ليكى البصاير
ياحلوة يا أم الضفاير
حاسبى يغرك وداعى
مهما يطول ضياعى
من صبرى بغزل شراعى
وليوم لقانا حراير
ياحلوة يام الضفاير
لو يوم زمانى يميللى
يكبر حنانك فى ضلى
زى البشاير تهللى
ونهل زى البشاير
يا حلوة يام الضفاير
********
الطريق
دارت بينا ريح الطريق
وشقيق بأيده سالت
دماء اخوه على الطريق
وامنا تنادينا ننسى اللى بينا وفينا
علشان عيون امانينا
ضل الطريق بينا ، مشينا ، ما درينا
مين العدو من الشقيق
قالت لينا ام الجموع
شمس الحقيقة غابت
وغاب قمر الرجوع
غاب الضمير وادينا
طرح الغل فى وادينا
لارجعنا ولا ابتدينا
ضل الطريق بينا ، مشينا ، ما درينا
مين العدو من الشقيق
********
الحقيقة والميلاد
يتغير الزمان
يتغير المكان
تتغير الفصول
يتغير الانسان
يتغير الميعاد
يتغير الجماد
الا البداية والنهاية والحقيقة والميلاد
بتخلص الحاجات
وبتتولد حاجات
جويا يا حبيبتى بيصرخ السكات
ويدوب ليلك فى ليلى
ويرتعش قنديلى
ولما انده عليكى واعوزك ما ألتاقيكى
دوامة الآلم
بتدور مع الأيام
الفرح والدموع الوهم والاحلام
فى عنيكى الطيبين
ياحبيبتى مزروعين
ولما انده عليكى عنيكى مروحين
********
باعتب عليكى
عليكى باعتب عليكى من عنيكى
من نظرة فى عنيكى
من وردة دبلت بين اديكى
بعتب عليكى
مهما بحار السفر بتسرقنى
والريح بتجرحنى
مهما بلاد الدنيا تنكرنى
والكل ينكرنى
ضحكتك بتندهلى نظرتك بتعرفنى
من عنيكى
مهما عيون الناس بتعرفنى
غيرك ما يعرفنى
مهما ليالى الوعد توعدنى
قلبى بيوعدنى
ضحكتك بتندهلى نظرتك بتعرفنى

--------------------------------------------------------------------------------------

بــــــــــــــــــــــــــــــــــرىء
برئ برئ برئ
برئ ياقلبى برئ
زى الطفل الوليد
بتحبى على الطريق
برىء كما قلب امى
كما شهادة الميلاد
كما ريم البحور
قمر مالهوش بلاد
برئ برئ برئ
برئ ياقلبى برئ
برئ برئ برئ
زى الحليب والزهور
أعدى ليل ورا ليل
يقابلنى سور ورا سور
برىء لكن غريب
مع احلامى اللى جاية
برىء برىء برئ
ومين مالهوش خطية
برئ برئ برئ
برئ ياقلبى برئ
ايوة انا عارف اسمى
لكن ومين سمانى
مين اللى اختاره امى
ولا ابويا وجيرانى
انا اسمى الحقيقة
فى دنية الحقيقة
وانا الضحكة البريئة
فى رحلة الامانى
برئ برئ برئ
برئ يا قلبى برئ
برىء وازى هتكره
مادمت شايف بكرة
مادمت دار وزهرة
وحنين مالهوش تانى
برئ لكن غريب
مع احلامى اللى جاية
برئ برئ برئ
ومين مالهوش خطية
********
يامراكبى
هيــــلاهيــــلا
ان شاء المولى
هيــــلاهيــــلا
راح نرسى فى مينا
هيــــلاهيــــلا
ايامنا ع الله
هيــــلاهيــــلا
وقمر ليالينا
هيـــلا هيـــلا
يامركبى شد القلوع
يامراكبـــــــــى
مافيش رجــوع
يامراكبـــــى
و ياليل من غير حبيب
هيــــــلاهيـــــــلا
ياليل امرك عجيب
هيــــــلاهيــــــــــلا
الورد كان فى كل مكان
طارح مطارح لحبى
والكون ده كان زمان
مايسعش حتة من قلبى
آه يامراكبــــــى
شــد القلــــــــوع
يـامراكبـــــــــى
مافيش رجوع
يامراكبى آه يامراكبى
********
الجيرة والعشرة
فى كل حى ولد عترة وصبية حنان
وكلنا جيرة وعشرة واهل وخــلان
أميرة عاقلة في الحاجلةوالعقل يطير
كانت صغيرة بضفيرة وكان هو صغير
ساعة ماتضحك مع اخوها تلاقيه بيغير
ولما ترفع قلتهم تلاقيه عطشــــــــــان
زمانه ماشي بخطوة يضم
زمانها كبرت وبقت ام
زمان جواب جايلها بيجري على العنوان
الفجر بيلاقي المغرب وبييجي ويروح
والليل يطل على الشارع شباك مفتوح
هنا الرصيف وهنا السلم وهناك ياسطوح
متعلقة كمام النونو فى ديل الفستـــــــان
زمانه ماشي بخطوة يضم
زمانها كبرت وبقت ام
زمان ضناهم في المدرسة كنز الأوطان
نحضن ولادنا ولا نخلي حنية وذوق
نكبر معاهم ونغني لقدام ولفوق
يادي العيون اللي بتقرا فى كتاب الشوق
الدنيا خضرة ومش فاضل على بكرة زمان
زمانه ماشـي بخطوة يضم
زمانها كبرت وبقت ام
اصل الحكاية حكايتنا نبنى الانسان
********
عطشان
سيبونى أتوه وحدى ..عطشان انا عطشان
الدنيا توب قدى ..وماطيقش انا الغطيان
مركب تاخدنى لبلاد بعاد
ولو جاى يصادفنى من غير ميعاد
زمن ياخدنى لمكان وعطشان انا عطشان
تصادفنى كتير وشوش
قلوب زى البيوت
طريق مابعرفوش
يوماتى عليه بفوت
سنــة ورا سنـة
اضيع هناك هنا
فى رحلتـى انا
الدمعة ليها صوت
ليلى مالهوش عيون
قمرى مالهوش لون
ده انا كان لى فى الهوا
مشوار اخضر حنون
اهــدى يادمعتى
ارســى ياخطوتى
انســى يادنيتى
كلـه علينا يهون
********
الحياة للحياة
لا لا لا الفرقة لا
لا لا لا الكره لا
دى الحياة للحياة
اللى ليه فى الدنيا ذكرى لابد يوم هيعيش لها
اللى ليه فى الدنيا فكرة يفدى نفسة كلهــــــا
اللى ليه حلوة صبية يفدى روحة لجلهــــــــا
واللى قال لأ مش شوية الله بكرة يحلهــــــا
دى الحياة للحياة
ياللى بتقرب قلوب العاشقين لبعضهــــــــــا
اللى دايبة ياعينى دوب واللى مغلوب امرهـا
غنوتك فوق الدروب مش هتدبل عمرهـــــــا
كلمة الحب اللى باقية من قلوب لبعضهــــــا
لو تدق الدنيا بابك بالمحبة افتحلهــــــــــــــا
وانسى كل اللى جرالك منها يوم واضحكلها
ايه هتاخد منها قوللى غير عسلها ومرهــا
دى القلوب الصابرة ربك راح يعوض صبرهــا
دى الحياة للحياة
********
القدس
ينسانى دراعى اليمين
ينسانى دراعى الشمال
ينسانى ننى العين
وآهة الموال
لو نسيت القدس
تنسانى فرحة فى عنية
ودنيا خضرة جاية
ينسانى قلب الجميع
تنسانى بسمة رضيع
لو نسيت القدس
تنسانى افراحى
ينسانى صباحى
تنسانى الشموس
وتنكرنى النفوس
والنجوم والقمر والمطر والشجر
تنسانى الشوارع والبيوت
وادبل ادبل اموت
لو نيسيت القدس
ينسانى فرح النهار
وضلة الديار ورنة الاوتار
وضحكة كل جار
لو نسيت القدس
تنسانى بسمة ولاد
ولهفة اللقا وفرحة الميلاد
ابواب كل البلاد
لو نيسيت القدس
*********
ياغربتى
ياغربتى فى ليلى الساهر
انا شوقى للفجر الباهر
وغنوتى ليكى وليـــــا
وحنينى للقلب الطاهر
يا غربتى فى ليلى الساهر
انا الخريف وانتى ربيعى
وانا المنى لما تشدى
وانا الهدى لما تضيعى
وانا الهوى لما تحبى
لبى ندايا ولا تخبى
ازرعلك العمر جواهر
يا غربتى فى ليلى الساهر
انتى الجمال الربانى
زهرة على احلى غصونى
رحيلى انتى واوطانى
قلبى وعقلى وجنونى
كونى طريقى ولا تخونى
يضمنا بكرة الزاهر
يا غربتى فى ليلى الساهر
********
شبك
هيلا هيلا هيلا
صلى عن النبى صلى
خللى ضلك فى ضلى
عللى شبك مدلى
دللى سكر يحلى
حلى حلى قلوعك
ياللى الريح فى طوعك
شاللى قلبى فى ضلوعك
طلى ياشمس هلى
حنى ياشمس منى
حنى زغليلى منى
بنى ياعيون وننى
غنى راح تتعدلى
شبك شبك حبيبى
شابك من دابديبى
شبك ياجالاليبى
شابك وانا ونصيبى
خلى له خال يخلى
خال لى عسل يحلى
خلى له خال يخلى
خال لى سكر يحلى
خلى لما انشغلى
خلى الله يخلى

-----------------------------------------------------------------------------------

كلمات اغاني الملك محمد منير 06qh2

وسط الدايـــــــــــــــــــــــــــــــرة
وسط الدايرة يا اجمل نايرة خلى قلوبنا تطير
وارحلى بينا فراشة حنينة بين زينات وعبير
لما الخصلة تدور طربانا نبقى حريرفى حرير
فرحى خلق الله وادنى ياشبه القمرة
وارقصى رشى عبيرك فينا وفتحى يا زهرة
عمرك كلة فرح يازينة
شيلى من الافراح وادينا
ياترتاحى ياتريحينا لسة الوقت طويل
********
صفصافة
انا قلبى صفصافة
موصوفلك اوصافه
لو تصفى لى عيونك
يا صافية نتصافى
لو فى يوم قلبك يبوح ينصفنى انصافا
مدى الايدين مدى
تحضنها يوم يدى
برمى السلام ردى
واسقيكى من شهدى
كان منايا وحلمى خير والود كان ودى
شمسك خدت ليلى
غنيت وغنيلى
وبودى قناديلى
وبنورها عديلى
وافردى شراعك حنان هفرد انا نيلى
********
الناس نامت

الناس نامت الاك
الناس نامت الاى
واقف ليه فى الشباك
بستنى اليوم الجاى
يمكن يسقينا الشاى
يمكن يعطينا الناى
انا قد الهوى وقدود
لو حتى الهوى نساى
واقف بتغى لمين
لحبيبتى وللاطفال
طب بص ورا الفتارين
شايف مهرة وخيال
يمكن يسقينا الشاى
يمكن يعطينا الناى
انا قد الهوا وقدود
لو حتى الهوا نساى
البيت بيضيق ويضيق
لكن انا قلبى براح
باصص على مين ياصديق
على طفل معاه مفتاح
يمكن يسقينا الشاى
يمكن يعطينا الناى
انا قد الهوا وقدود
لو حتى الهوا نساى
هل كنت فى يوم غدار
انا نهر النيل لو فاض
طب فين زرع الاشعار
انا زارعه احواض احواض
يمكن يسقينا الشاى
يمكن يعطينا الناى
انا قد الهوا وقدود
لو حتى الهوا نساى
الاتى نياتى جريح
الاتى حصان مطلوق
قلبك تعبان من الريح
لكن مستنى شروق
يمكن يسقينا الشاى
يمكن يعطينا الناى
انا قد الهوا وقدود
لو حتى الهوا نساى
********
عشقك ندى
عشقك ندى فاق المدى
يا فجر عمرى اللى ابتدى
يا ضى لعيونى اهتدى
عشقك ندى فاق المدى
يا نجمة طالة من الفضا
يا غنوة القلب ان شدا
رحال انا من كام سنة
فى بحور عنيكى المزروعين بالسوسنة
يا ضحكة العمر الحزين يا حنينة
زارع سنينك ألف غنوة بألف صوت
يا زارعه ليلى وسط صمت الكون غنا
غنى بشوقك ليا ..غناويكى غناويا
غناويكى خطاويا و الغنوه خطوه و طريق
عشقك ندى فاق المدى
يا فجر عمرى اللى ابتدى
يا ضى لعيونى ابتدى
عشقك ندى فاق المدى
يا نجمة طالة من الفضا
يا غنوة القلب ان شدا
حضنك دفا قلبك وفا
وانا قلبى شارب من حنانك ما أكتفى
يرتاح فى ضلك لو نهاره فى يوم جفا
و هموم طريقى تتمحى من خطوتى
و طريق همومى بين دروبك اختفى
خطى الأحلام بيا ..خطاويكى خطاويا
خطاويكى غناويا و الغنوه خطوه و صديق
**********
اوه يـــابــــا
اوه بابا ..هدى هدى
اوه بابا .. مش بيدى
من النجمة ألقى المنى مستنــــــى
غنى انتى النسيــــــــــــــــــــم تغنى
غنوتـــى انتــــى اللى جوا منـــــــــى
وقولــــــــــى ليــــه تطبطــــب ع الآه
دى تبطبطهــــــــــــــا تطبطبهـــــــــــــا
غنــــــــى قلبـــــــى وروحى معــــاه
تطير الاحـــــــــــــــــــــــلام فوق فوق
نطل علـــــــــى بكــــــــــــــرة وتفوق
معاهــــــــــــــا ايامـــــــــــى هتروق
سبنـــــــــــــى لوعدى اللى بعيش فيه
حبى اخترتـــــــــه ومبسوط بيــــــــــه
اوه بابا .. هدى هدى
اوه بابا .. مش بيدى
دى الرحمـــــــة اللى الصبر بعتهـــا
فى عبايـــــــــة الشروق لقيتهــــــا
نستنـــــــــــــى بنعنشتهــــــــــــــا
يحق لــــــــــى والكــــــــون زعابيب
ادوب فى طيفهـــــــــا فى الدباديب
خصرهــــــــــا وقلبـــــــــــى الحبيب
تصور الآتــــــــــــــى مجـــــــــروح
بشمس حبــــــــــــــــــى ترد الروح
دى فرفشتنـــــــــــى على المفتوح
سيبنى لوعدى اللى بعيش فيه
حبى اخترته ومبسوط بيه
اوه بابا .. هدى هدى
اوه بابا .. مش بيدى
من الرسمة اللى فى حجب سحرنى
لشقـــــــــــــــــاوة الجمال فى ننى
لرموشهـــــــــــــا الموشوشنــــــى
لخدهــــــــــا الملمـس فنــــــــــــان
لقلبهــــــــــــا احلى الاوطـــــــــــان
كلهـــــــــــــــا كل الالــــــــــــــــوان
ما أكتــــــــــر الحلوين بالـــــــــــــكوم
لكــــــــــــــــن دى غير كل المعلوم
اجادة الطيــــــــــــران والعـــــــــــوم
سبنـــــــــى لوعدى اللى بعيش فـيـه
حبى اخترتـــــــه ومبسوط بيـــــــــه
اوه بابا .. هدى هدى
اوه بابا .. مش بيدى
********
حكمت الأقدار
حكمت الاقدار
اللى ما رحمت قلبى ولا بغاتنى
نبقى جواركم تبرد نارى
نارى نبقى جواركم تبرد نارى
ما القيتك كيف ما ظنيتك
و ادا بى حس بغيتك
على شمالى هوية
وعلى يمينى لجمار
يمينى رياح قوية
عاصفة ليل و نهار
نارى نبقى جواركم تبرد نارى
********
حتى حتى
طب خدينى فى ريح طيفك
حتى حتى فى ديل كيفك
ده انتى مليا الشوق ملوة
نفسة لويلمس طراطيفك
غصب عنى بنام صاحى
اصحى نايم زى جراحى
نامى بس انتى وارتاحى
يكفى نتحنى بتلطيفك
قولى انى بعيش ليكى
ايوة بل انى بموت فيكى
لونك النيلى وعنيكى
طوعت روحى لتصريفك
مش هاممنى الكون هادى
ولا زحمة الكون عادى
كل همى انك تتراضى
دة الحياة جنة بتشريفك
طب خدينى فى ريح طيفك
حتى حتى فى ديل كيفك
دة انتى مليا الشوق ملوة
نفسة لويلمس طراطيفك
********
اتحدى لياليك " اهداء الى الشهيدة سناء محيدلى "
اتحدى لياليك ياهروب
واتوضى بصهدك ياجنوب
واصلى الفرض الحطينى
واكتبلك عمرى المكتوب
احضانك فوق الحنية
ياجميلة ومريم وبهية
يتفجر فى الموت بركانك
وايمانك يتفجر فيا
الدم على الارض خريطة
مشتاقة ليوم الحرية
اشلائك بتلم جراحى
يرتعش الغدر وترتاحى
ويعود الحلم المسلوب
ياضى عيون الشهداء
يازهرة صيدا وسيناء
ثانية من عمرك تحينى
ابنى واتبسم واشـــاء
كلمة من سيرتك تهدينى
للاقصى يعود الاسراء

-----------------------------------------------------------------------------------

مزامير
يا نجوم الليل يا عيون سهرانة
يا قلوب قناديل دافية وعطشانة
الصبر سبيل فرحنا تساهيل
الدنيا قليل تضحك ويانا
قلبي مزامير بتغني يا خال
والحب ده طير في الهوا رحال
ده انا واد خيال عاشق الترحال
على قد الحال لكن ميال
مواعيد مواعيد كله بميعاد
فرقنا موت ولقانا ميلاد
قلبي يا غريب الخطوة نصيب
والفرح قريب يا نغم ولاد
********
يا طير
ياطير يامحني الجناح والريش
مين علمك تبكي ولاتغنيش
ده انا لو أغني الدنيا ماتساعنيش
بس الغنا ياخسارة ماطاوعنيش
دي الغنوة في قلبي والقلب متعبي
أصل الزمان مال بي والريح بتلعب بي
ده زماني لما رماني ..رماني مانصفنيش
آآآه .. امتى أغنى واعيش
و أغني ليه وزماني ما سعدنيش
والفرحة بتواعد ولا توفيش
والليل بيطويني والآه على لساني
والحزن يخاويني ولا ليلة ينساني
ده زماني لما رماني ..رماني مانصفنيش
آآآآه .. امتى أغنى و أعيش
********
العمارة

جينا نصبحكم بالخير
يا العمارة العمارة
جينا نمسيكم بالخير
يا العمارة العمارة
واحنا نغني في كل مكان
اغاني الشعب وثواره
و اصغر طفله في فلسطين
شالت بالكف حجارة
و غايتنا نعمرلكوا البيت
يا العمارة العمارة
نبقى نمسيكم بالخير
نمسيكم بالخير
ونكتب فوق جناح الطير
فوق جناح الطير
كل قلوب الناس اليوم
من فرحتها ورود تصير
فجرك يا اماه يا فلسطين
يا اماه يافلسطين
لاحت انواره للعين
اهلا يا املنا الزين
يا العمارة العمارة
********
شمس المغيب
وانا ويا شمس المغيب بغيب وانتى بتشرقى
بتكدب الحقايق فى العالم الغريب وانتى بتصدقى
بحبك وحبك شهادة ميلاد
عيونك شواطئ الأمل والميعاد
ولما تهز الرياح فى نخيلك
وتدمى الجراح مواويلك
مايدبلش ضيك
مايخلصش زيت قنديلك
يغيب ياما قمرك
وتشرقى تانى فى ليلك
وانا ويا شمس المغيب بغيب وانتى بتشرقى
بتكدب الحقايق فى العالم الغريب وانتى بتصدقى
وانا حرف تايه فى اسمك
لون صغير فى رسمك
وانا خيط فى شمسك فى امسك
فى بكرة اللى جاى قريب
وانا ويا شمس المغيب بغيب وانتى بتشرقى
بتكدب الحقايق فى العالم الغريب وانتى بتصدقى
يابلادى
يابلادى .. يا بلادى .. يابلادى
********
كل الحاجات
كل الحاجات بتفكرني
بعيون حيرتها تحيرني
والذكرى مش بتصبرني
تمر صورتك اتبسم
الابتسامه تعذبني
كل الحاجات حواليا تدور
ذي الحيطان بتداري النور
وقلبي من بعد الطيران
ما حيلته الا جناح مكسور
دلوقتي مهما اقول الآه
وانت بعيد مين يسمعني
يويويويو .... يويويويو
كل الحاجات الا عيونك ممكن انسى
كل الحاجات من حواليا عارفة وحاسة
ضاع الونس يا قمر غايب
بعدك ماليش اي حبايب
دلوقتي حتى بخاف حزني يبعد عني
كل الحاجات بتفكرني
بعيون حيرتها تحيرني
والذكرى مش بتصبرني
تمر صورتك اتبسم
الابتسامه تعذبني
كل الحاجات حواليا تدور
ذي الحيطان بتداري النور
وقلبي من بعد الطيران
ما حيلته الا جناح مكسور
دلوقتي مهما اقول الآه
وانت بعيد مين يسمعني
يويويويو .... يويويويو
كل الحاجات كانت تضحك لما اقابلك
لا عرفت نفسي من قبلك ولا من بعدك
قبلك ماكانليش ولا حاجة
بعدك سنيني المحتاجه
ياريت تشوف دمعه صوتي لما أغني
كل الحاجات بتفكرني
بعيون حيرتها تحيرني
والذكرى مش بتصبرني
تمر صورتك اتبسم
الابتسامه تعذبني
كل الحاجات حواليا تدور
ذي الحيطان بتداري النور
وقلبي من بعد الطيران
ما حيلته الا جناح مكسور
دلوقتي مهما اقول الآه
وانت بعيد مين يسمعني
يويويويو .... يويويويو
كل الحاجات بتعذبني وانا وحداني
تهرب قصادي وتقولي ماتجيش تاني
دور على اللي كان وياك
تحت الورود نايمة اشواك
كل اللي يومها فرحته معاك بيعذبني
********
برة الشبابيك
برة الشبابيك غيوم برة الشبابيك مطر
مالي خايف كده خايف وحاسس بالخطر
ده حزن ولا وتر
ده قلب ولا حجر
ده دمع ولا مطر
مالي خايف خايف خايف وحاسس بالخطر
آخر مره اما سبتك
كتمت الشكوة ليه
مش كان احسن حاسبتك
وعرفت القصة ايه
لكن محسبتكيش
وقلتلك لية مافيش
كأنك يا حبيبتي امرك مايهمنيش
انا خايف من ده فيا
من الشكوة المدارية
بالذات في الليلة دية
تحت الغيم والمطر
ماللي خايف خايف خايف وحاسس بالخطر

-------------------------------------------------------------------------------------

كلمات اغاني الملك محمد منير 09iq6

يا اسكندريـــــــــــــــــــــــــــــــــــة
يا إسكندرية بحرك عجايب
ياريت ينوبنى من الحب نايب
تحدفنى موجة على صدر موجة
والبحر هوجة والصيف مطايب
اغسل هدومى يا إسكندرية
وانشرهمومى يا إسكندرية
على شمس طالعة وانا فيها دايب
كأنى فلاح من جيش عرابى
مات ع الطوابى وراح فى بحرك
كأنى نسمة فوق الروابى
من البحر جاية تغرق فى سحرك
كأنى كلمة من عقل بيرم
كأنى غنوة من قلب سيد
كأنى جوة المظاهرة طالب
هتف بأسمك وراح معيد
ياإسكندرية يا مصراوية
على سن باسم
على ضحكة هلة
البحر شباك ومشربية
وانتى الاميرة ع الدنيا طلة
وفيكى خمرى يا اسكندرية
سلمت أمرى يا اسكندرية
مقدرش اشوفه
وما اغنيلوش
يا إسكندرية عاشق وبدى
ارتاح فى حضنك الود ودى
يكون كلامى عربون غرامى
وبالمحبة ناخد وندى
يا إسكندرية فيكى الغلابة
ع الرزق يسعوا ولا يناموش
نزل شبكهم فى بحر طامى
طلع شبكهم على فشوش
وفيكى بين البشر ديابة
وفيكى فوق البشر وحوش
وفيكى ناس مغرمين صبابة
لو خان زمانهم ما بيخنوش
وفيكى خمرى يا اسكندرية
سلمت امرى يا اسكندرية
مقدرش اشوفة وما اغنيلوش
********
المريلة الكحلي
يا بنت يا ام المريلة كحلي
يا شمس هلة و طلة من الكولة
لو قلت عنك في الغزل قولة
ممنوع عليا ولا مسموحلي
أنا أحب أقول الشعر في الحلوين
و الحلو أقوله يا حلو في عيونه
و لو ابتديت بشفايفك النونو
ما يكفنيش فيهم سبع دواوين
يا ملاك يا جنيه يا ست الحسن
يعجبني توهانك في أحلامك
يعجبني شد الخصر بحزامك
يعجبني أخذك للكتب بالحضن
راحوا الصبايا و الصبايا جم
أجمل ما فيهم مين غير بنتي
و أجمل ما فيكي يا بنتي ان انتي
في عينيكي نني فيه حنان الأم
********
الف لأ ولا
الف لأ ولأ ولا
على دمعة فى عيونك او آه
ده انتى الحقيقة اللى اتكتبت
وانتى السما وقت ماشتت
وانتى اللى حضنك متشتت
ورا قلبى يوهب له فى حياة
عمرك ده راسمه على كفوفى
ابص له يهرب خوفى
ألمح حروفك فى حروفى
بتنادى صوتى يبوح بهواه
مايهمكيش صوت الاحزان
لو وشوشك او هد حيطان
لسة الامل مرسم حيران
لو غاب نهاره فى لحظة وتاه
وان ضاع زمانى وفاتنى وحيد
قابل اكون شاهد وشهيد
شهيد من الشيب والتجاعيد
شاهد على فجرك بسماه
********
اتكلــــــموا

اتكلموا اتكلموا اتكلموا
ما احلى الكلام ما ألزمه وما اعظمه
فى البدء كانت كلمة الرب الاله
خلقت حياة والخلق منها اتعلموا
فإتكلموا .. اتكلموا
الكلمة ايد الكلمة رجل الكلمة باب
الكلمة نجمة كهربية فى الضباب
الكلمة كوبرى صلب فوق بحر العباب
الجن يا احباب ما يقدر يهدمه
فإتكلموا ..اتكلموا ..اتكلموا
********
قمر صيفــــــى
ليلة قمر ياقمر صيفى
انت النهاردة خلاص ضيفى
انت تنور على كيفك
واسهر انا بقى على كيفى
اسهر على كيفى
ليلة قمر يامونسنى
من الخوف عيونك تحرسنى
يحسسك قلبى بخوفه
وبالأمان بتحسسنى
اسهر على كيفى
يانجوم الليل
ليا فى سماكم قمراية
تسكن المواويل
ولا تبتسم الا معايا
قمراية جتنى
لما هويتنى
وكلمتنى وونستنى من الليلة
قولوا للعاشقين
خلاص صاحبكوا ماعدش حزين
ودع الاحزان
وسكن عيون حلوين ضحكين
طار فى سماها
وعشق هواها
ضحك معاها
سكن غناها من الليلة
دمعة الاشواق
زى الندى تبل الاوراق
وانت يا المحبوب
خلتنى من احلى العشاق
دويت جروحى
سكت نوحى
اديتنى روحك وخدت روحى من اليلة
********
آدى
آدى وعلى دى نعيش وعلى ادى
آدى ما هى خطوة فى الدنيا دى
نمشيها كدة او حتى كدة
مافيهاش ولا شىء مش عادى
ادى بضحك وحزين
ادى بشد ولين
ادى مش للتانين
وبحب الناس ولا عادى
ادى لجل المجاريح
ادى مابخفش الريح
ادى لو صوتى دبيح
هصرخ بكفوفى وانادى
ادى ياحبيبتى هكون
ادى ان خانوا ما اخون
ادى بعشق وبصون
حبك زادى وذوادى
********
يابلح ابريم
يابلح ابريم يا سمارة
سواك الهوي فى العالي هويت
على طمى النيل ياسمارة
وشربت عكار لما استكفيت
بس احلويت قوي يا سمارة
لما اسمريت قوي ياسمارة
لفيت الشارع و الحارة
على زى نقاوتك فين ما لقيت
يا سمـــــــــــــــــــارة
يا حلاوة بنار الشمس النور
يا سمار وعمار الصحرا البور
شباك الهوى داير ما يدور
حواليك و أتاريك دبت وطبيت
بس احلويت قوي ياسمارة
لما اسمريت قوى ياسمارة
لفيت الشارع الحارة
على زى نقوتك فين مالقيت
يا سمـــــــــــــــــــــارة
يا عقود الماس ضيك وناس
عطشان وهواك سهراية وكاس
حصنت بعقدك صدر الناس
يا ابو قلب لا سوسة ولا وسواس
ألضم حبابيك بقي ياسمارة
وافتح شبابيبك لقا يا سماره
على جو الشارع والحارة
تحلو زيادة وتملا البيت
يا سمــــــــــــــــارة

-----------------------------------------------------------------------------------

كلمات اغاني الملك محمد منير I24303r69613595u5ke1

كلمات اغاني الملك محمد منير I24303r69613595u5ke1

الطـــــــــــــــول واللــــــــــــــــون والحريـــــــــــــــة
مش عايز احبك مش عايز
مش داخل سجنك مش جايز
مش جايز اموت فيكي وفيكي
ده انا اموت في عنيكي من غمزة
انا عارف نفسي وتلكيكي
هعشق لياليكي من لمسة
ده انا انسي في شافيفك اسمي
ده انا فاهم في كنوز العفة
ده انا ممكن اجريلك دمي
انا حاسس دمي هيتصفي
مش عايز احبك مش عايز
مش داخل سجنك مش جايز
بالظبط الشعر اللى بحبه
الطول واللون والحرية
ده ان هفهف علي وشك لعبه
هاوصفلك ايه يغمي عليه
مش عايز احبك مش عايز
مش داخل سجنك مش جايز
********
تعلالى

تعلالى وكفاية هروب
الشمس بتطلع مش خايفة
تنسانا وهي على غروب
نظراتك بالحب تبوح
وكلامك بيرد الروح
ترسملى افراحك دنيا
وبحبك مطرح ماتروح
يامروق وفى لحظة شوق
والبسمة بتخدنا بشوق
ولفوق طيرنى بشوقك
صدقنى الدنيا تروق
وقمرنا طيب وحنون
وساعات عاشق مجنون
بتغازل افراحه الدنيا
ويلون فى شفايف الكون
********
سحر المغنى
سحر المغنى في قلبه جمعنا روح بتغني لروح
نور مشاعرنا لحن واخدنا واحنا معاه بنروح
لما نغني سوا بنحني حلم مداه مفتوح
واحنا معاه بنروح
على كيفك، على كيفك همس الكلام واصل
فبن روحك ، مع روحِى عمر الغنى مواصل
يفرح يقوم ضاحك يحلم يكون فالك
روح الغنى احنا واحنا الغنى روحنا
دي ملاعبة، دي مصاحبة انا في الغنى الرايق
اه يا ليلي اه يا عيني صحبة وانا عاشق
من القلب شوق طارح
جوه النغم سارح
كل الوجود غنى كأنها جنة
سحر المغنى في قلبه جمعنا
روح بتغني لروح نور مشاعرنا لحن واخدنا
واحنا معاه بنروح لما نغني سوا بنحني
حلم مداه مفتوح واحنا معاه بنروح
********
صغير السن
اشمعنى بتحب تحن عليا وساعات بتجن
ترسمنى عاشق بيإن انا عارفك ياصغير السن
انا عارفك ياصغير السن خايف
انا عارفك ياصغير السن عارف
وانا دايما عارف انك هتحن قبل ماهتجن
انا عارفك ياصغير السن رايق
انا عارفك ياصغير السن عايق
ياابو قلب فراشة للنار بتحن وكأنه ده حلم
********
نــــــــانـــــــــــا
عقلى من قلبى دق ل نانا
قلبى من عقلى كله ف نانا
جرحى مين غيرها يداويه
قلبى الغاوى زيك ناوى يا نانا
نانا خطى بهداوة خلى خط العداوة
ارمى توب الغشاوة واملى بحر الهداوة
دة انتى طعم الحلاوة
قلبى الغاوى زيك ناوى يا نانا
بالهنا هننونى خلى لونك فى لونى
نانا سحرك ظنونى وانتى لحظة جنونى
اروى لونك فى لونى
قلبى الغاوى زيك ناوى يا نانا
*********
عصفور
وكأنى عصفور مدلع
آه متلوع وفى قلبة حكايات بتولع
راح اغنى ولازمنى ادفى وابعد حزنى
ولكنى بحس اكمنى عاشق لزمانى اللى تاعبنى
آه تعبنى
لو حقدر اغير راح اغير
لو مش قادر انا لازم اغير واتغير
ولان محدش كلمنى
انا بمشى على شاطىء حزنى
وكأن العالم مش ملكى
**********
جـــــــدو
جدو يا طيب يا ابو عصاية
من فضلك احكيلى حكاية
اوعى تنام قبل ما تقفلها
افضل قولها لحد اخرها
وان خلصت بقى خش فى غيرها
لازم تسهر تحكى معايا
شرط كمان قبل اما تقول
اوعى تقولى حكاية الغول
بفضل احلم بيه على طول
يجى اسبوع الاقيه ويايا
جدو احكيلى حكاية سعيدة
فيها ألغاز ومغامرة مفيدة
مش معزاية وديب وعصيدة
حدوتة اهضم بيها عشايا
عايز حاجة عن الصواريخ
او معلومة عن المريخ
مش شيتا وطرزان وصريخ
واميرة راح تجرى ورايا
جدو افهمنى وراعى ظروفى
نفسى فى مرة اسمع على كيفى
ده انا لسة بكون فى حروفى
لكن عقلى كله مزايا
**********
هيه هيه
هيه هيه هيه
الفرح شاطر والحزن شاطر
البحر غادر وب أقوله حاضر
وأنا لسه قادر فى الحزن أفرح
هيه هيه هيه
نايمه العيون ساكتة الشفايف
دمعى يهون والقلب خايف
وأنا لسه قادرفى الحزن أفرح
هيه هيه هيه
مليان جنون لكنى عاقل
أنا مين أكون ولا حد سائل
وأنا لسه قادرفى الحزن أفرح
هيه هيه هيه

مجهود رائع وممتاز واصلي تقدمك وفي انتظار المزيد